آہ ! نذر بونیاری نہ رہے

پہاڑی ہور اردو دے سرکردہ ادیب تہ مفکر راجہ نذر بونیاری ممبئی بچ فوت

کئی ،ادبی ثقافتی تہ سماجی انجمناں سن کیتا تعزیت دا اظہار،

وائس آف ہلز//

/ / اُردو ہور پہاڑی زبان دے نامور قلمکار ، ادیب، مفکر مورخ، افسانہ نگار، انشائیہ نگار، محقق ، گلو کار ہور معروف صحافی راجہ عبد القیوم خان المعروف راجہ نذر بو نیاری اج ممبئی کے ہک ہسپتال بچ انتقال کر گئے مرحوم کافی چراں تھیںں بیمار آسے۔ 14 تھیں زائد کتاباں دے مصنف راجہ نذر بونیاری دی آخری رسومات ممبئی بچ ہی ادا کیتی گئ۔۔ قابل ذکر ہے جے 70 دی دہائی بچ چلے والی پہاڑی لسانی تہ ثقافتی تحریک واسطے انہاں لا مثال قربانیاں پیش کیتیاں ہیں، جس کو کدے بھی بساریا نہیہ جل سکدا۔

مرحوم دی دنیا رخصتی تے جموں کشمیر دے کونے کونے تھیں کم کرن والیاں ادبی تہ سماجی ہور ثقافتی تنظیماں سن دکھ دا اظہار کیتا ہے نال ہی مرحوم دے ایثال و ثواب واسطے دعائیہ سنہیہ پہیجے ہیں۔

سابق نایب صدر کلچرل اکادمی جموں کشمیرظفر اقبال منہاس اوراں سن اپنے تعزیتی سنہیہ بچ مرحوم دے ایصال و ثواب واسطے دعا کردیاں ہوئیاں اس کو ہک افسوسناک حادثہ قرار دتا۔ ادھرو سابق ممبر پارمیان مرزا عبالرشید، سابق ایم ایل اے کرناہ کفیل الرحمن، راجہ منظور، سرکردہ ادیب ، ماہر تعلیم ڈاکٹر جہانگیر دانش ، سابق چیف ایڈیٹر پہاڑی سید محمد اقبال ملنگامی، سرکردہ ادیب دانشور سید جماعت علی شاہین، آل انڈیا ریڈیو سرینگر تھیں نشر ہوئے والے پہاڑی پروگرام دے پرڈیوسر مقصود احمد، کلچرل اکا دمی دے شعبہ پہاڑی دے چیف ایڈیٹر ڈاکٹر فاروق انوار مرزا، شعبہ دے ایڈیٹر کم کلچرل آفیسر محمد ایوب میر (نعیم کرناہی) سابق ایس ڈی ایم کرناہ ایڈوکیٹ عبدلحمید خان ، پہاڑی تحریک دے سرکردہ سالار عبدالمجید زندہ دل ہوراں ںسن بھی مرحوم دی وفات تے ڈوہنگے دکھ دا اظہار کردیاں ہوئیاں اس صدمہ کو سانجا قرار دتا ہے تہ نال ہی مرحوم دے ایصال ثواب واسطے دعا کیتی ہے۔

کرناہ کلچرل کلب دے صدر تہ ماہر تعلیم عبدالرشید قریشی ، جنرل سیکرٹری عبدالرشید لون تہ سیکرٹری میر غلام حیدر ندیم ، لار کلچرل کلب دے محمد مظفر خان تہ وائس آف ہلز دے سرپرست حامد عبدالروف قریشی ، سابق رکن پہاڑی سیکشن محمد نواب خان ہوراں سن ڈوہنگے دکھ دا اظہار کریاں ہوئیاں اندی مغفرت واسطے دعا کیتی۔

آل جموں و کشمیر پہاڑی کلچرل اینڈ ویلفیئر فورم، کرناہ کلچرل کلب، پہاڑی ویلفیئر سوسائٹی، پہاڑی لٹریری فاونڈیشن، کشمیر رائٹرس اینڈ آرٹسٹس ایسوسی ایشن سرینگر، نیلم کلچرل سوسائٹی ٹیٹوال، شمس بری کلچرل کلب ٹنگدار کرناہ، ادبی مرکز کرناہ، سیٹیزن کونسل ٹنگڈار کرناہ، پہاڑی ایکشن کمیٹی کرناہ، ہرمُکھ کلچرل کلب بانڈی پورہ، پہاڑی کلچرل کلب درد پورہ کپواڑہ، پہاڑی کلچرل ویلفیئر فورم اوڑی، پہاڑی ایکشن کمیٹی اوڑی، گلشن ادب اوڑی، کلچرل کلب لار، پہاڑی سلامتی کونسل گاندربل، پاکیزہ کلچرل کلب درہال راجوری، عقاب کلچرل کلب راجوری، روزنامہ اُڑان، شعبہ پہاڑی کلچرل اکیڈمی آف آرٹ کلچرل اینڈ لینگویجز سرینگر، شعبہ پہاڑی آل انڈیا ریڈیو سرینگر، شعبہ پہاڑی دور درشن کیندر سرینگر، پہاڑی کلچرل اینڈ ویلفیئر فرنٹ سن بھی راجہ نذر بونیاری دی وفات تے دکھ ہور صدمے دا اظہار کیتا ہے تہ اندی جنت نشینی واسطے دعا کیتی ہے۔

وائس آف ہلز دے مدیر زبیر قریشی سن بھی دکھ دا اظہار کردیاں ہوئیاں اس کو ذاتی صدمہ قرار دتا۔ اپنے بیان بچ انہاں سن مرحوم دے ایصال ثواب واسطے دعا کیتی ہے۔اللہ مرحوم کو جنتاں دا مالک بناوے آمین۔