آہ! ۔۔۔ پروفیسر عبدالواحد قریشی صاحب نہ رہے۔
پروفیسر عبدالواحد قریشی جہناں دا تعلق ضلع کپواڑہ دے دور دراز علاقہ کرناہ نال آسا۔۔۔ پروفیسر صاحب کرناہ دے اک دینی ھور علمی خانوادے دے چشم و چراغ آسے۔اک ماہر اقتصادیات، ماہر تعلیم،دانشور ،اک سماجی شخصیت۔پہاڑی قبیلے دی اک معتبر شخصیت تہ محب زبان ھور اک درویش صفت انسان گزشتہ رات دل بیٹھنے دی وجہ نال اپنے خالق حقیقی نال گچھ ملے۔۔۔۔بیشک آساں ساریاں کو اسی خالق دے دربار حاضر ھونا ھے جس آساں کو ایہہ زندگی دتی دی ھے۔۔۔۔مرحوم چونکہ پیشیے تھیں استاد رہے ہین ھور انہاں اپنی زندگی کو اللہ پاک دا انمول تحفہ سمجھ کے گزاریا۔۔تساں من جملہ ریاست جموں وکشمیر دے عوام دی بےلوث خدمت کیتی۔۔۔اپنی محنت، ایمانداری تہ دیانتداری دے بلبوتے تے تساں ایہہ قابل فحر مقام حاصل کیتا۔۔۔بیشک انہاں پہاڑی قبیلے دا بلخصوص ھور ریاست دی عوام دا بلعموم نک رکھیا ھور فخر نال سر اچا کیتا ۔پروفیسر صاحب ہمہ جہت شخصیت دے مالک آسے۔۔۔اک طرف کرناہ دی ساری برادری دے سرا تے شفقت پہریا ہتھ رکھیا ھور دوہی جانب ریاست پہر دے طلباء برادری کو تعلیمی ھور علمی فیض نال مستفید کیتا۔ تساں دی شرافت ھور سادھگی دیاں تہماں رہیاں ہین۔ مرحوم چھبی سال دی عمر بچ علیگڑھ تھیں اقتصادیات دے مضمون بچ فلاسفر دی ڈگری مکمل کرنے دے بعد کشمیر یونیورسٹی دے شعبہ اقتصادیات بچ بطور اسسٹنٹ پروفیسر تعینات ھووے ھور فر اپنی محنت تہ دیانتداری ھور ایمانداری نال مذکورہ یونیورسٹی دےمختلف کلیدی عہدیاں تے اپنی خدمات انجام دے کے اسی یونیورسٹی دے واہیس چانسلر دے عہدے تھیں نہ صرف شبکدوش ھوے بلکہ اس دے بعد سنٹرل یونیورسٹی آف کشمیر دے فوانڈر واہیس چانسلر دے شایاں شان عہدے تے رہ کے وی اپنی ذہانت،قابلیت تہ ایمانداری دا لوہا منال کے شبکدوش ھووے۔۔۔گزشتہ رات اس جہاں فانی کو خیرباد آکھ گے۔۔۔اللہ تبارکوتعالی مرحوم کو جنتاں بچ جا دیوے۔۔۔تہ لواحقین کو صبر جمیل نال نوازے۔ انہاں اپنے پسماندگان بچ اہلیا، ترے ہونہار تہ قابل فخر پتر جہناں بچو بڑا والا ڈاکٹر، نکا انجینر،تہ اس تھیں نکا کالج پروفیسر ھے۔۔۔تریے پتر بیا برے دے تہ صاحب اولاد ہین۔ وادی کرناہ واسطے پروفیسر صاحب گزشتہ نصف صدی تھیں اک سہارے دی تھاں آسے۔ انہاں اپنے آباہی وطن کرناہ دے علاوہ ساری ریاست بلعموم ھور پہاڑی طلباء بلخصوص دی دادرسی تہ مدد سخنے قلمے درمے کیتی ۔۔تساں دی انچہک موت نال تساں دے ہزاروں تہ لکھاں چاہنے والے آج نکے نہیرے اندی موت دی خبر سن کےدوڑدے تہندے تسدی رہائش گاہ واقع لال بازار گچھ کے انہاں دی میت کو کرناہ اپنے آبائی علاقہ واسطے انہاں کو روندیاں اکھاں بدھیا کیتا۔۔۔اندے آباہی قبرستان واقع کنڈی بچ ساڈھے چار بجے ہزاراں لوکاں روندیاں روندیاں اندا نماز جنازہ پڑھ کے میت کو سپرد خاک کیتا۔اس ویلے اندی عمر اسی سالاں تھیں زیادہ آسی ھور اک عرصے تھیں دل دی بیماری بچ مبتلا آسے۔۔۔۔فی الوقت عجلت بچ ناچیز سن اندی طویل خدمات ھور زندگی دا مختصر جیاء جاہزہ کہدا ھے۔خاکسار دا بذات ہی انہاں نال تری بریاں تھیں خاصا تعلق رہا دا ھے جد کہ اسدے کہریلوے تعلقات مٹھیاں رشتاں دے زریعے مچ قریبی رہے ہین۔ ، سچ ایہ ھے جے صدمے دی وجہ نال راقم سن انڈے بارے بچ تفصیل نال کجھ نیہ لکھ سکیا۔۔۔انشا اللہ اس فرض کو اینے والے وقت بچ پورا کرساں۔۔۔۔اس دعا نال اجازت کہنناں چاہساں کہ اللہ پاک انہاں کو ستاں ستاں جنتاں بچ جگہ دیو تہ اساں سمیت جملہ پسماندگان کو صبر عطا فرماوے۔
باقی آنیدہ
-------
محمد ایوب میر (نعیم کرناہی)
(چیف اڈیٹر پہاڑی)
