جموں و کشمیر پہاڑی کلچرل ویلفئر فورم
تاریخ اس بات کی گواہ ہے کہ جموں و کشمیر
کے پہاڑیوں کو نظر انداز کرنے کے لئے کسی نے کوئی کسر باقی نہ چھوڑی جتنی کمیٹیاں
کمیشن بنائے گے ان کو پہاڑیوں کے بارے میں بلکل بے خبر رکھا گیا ۔۔1941 سے قبل یا
1941 کی بات کریں تو 1941 کی مردم شماری میں Western pahari
Speaking یا پٹھواری کے اعداد و شمار سامنے لایا
گیا 1941کی مردم شماری کے انچارج
R.G.Wreford جو اس وقت جموں و کشمیر کے
Census Commissioner تھے
مگر بدقسمتی سے 1947کے بعد ہر فورم پر پہاڑیوں کو نظر انداز کیا گیا ۔1951
,1961,1971,1981وغیرہ مردم شماریوں میں پہاڑیوں کو نظر انداز کیا اور پہاڑی ،پنجابی
بولنے والوں کو بھی گجر بکروالوں کے ساتھ ملا دیا ۔اگر چہ اس کی بنیاد سر زمین کشمیر
میں Walter R Lawrenceنے رکھا تھا جس
نے اپنی کتاب The Valley of Kashmir میں
پارمی اور ہند کو زبان بولنے والوں کو گوجروں میں شامل کیا تھا۔جس کی وجہ سے وادی
کشمیر میں ہر ایک غیر کشمیری زبان والے کو گوجر ہی بولا جاتا تھا۔۔یہاں رفیق حسین
خان صاحب کے ایک انٹرویو کی بات کرتے ہیں جس میں انھوں نے صاف الفاظ میں کہا ہے کہ
پڑھے لکھے طبقے کو بھی پہاڑی اور گجر میں فرق نہیں تھا جب ہم پہاڑی کی کوئی مانگ
کرتے تھے تو ہمیں کہا جاتا تھا کہ فلا فلا آدمی کو ہم نے منسٹر بنا دیا جو گجر قبیلے
سے تعلق رکھتے تھے جس کا معنی یہ تھا کہ اعلی اقتدار کے لوگوں کو بھی پہاڑی اور
گجر میں فرق نہیں لگتا تھا۔
دوسری بات تھی کہ پہاڑی قبائل میں بے زمین و زر ،بے گھر لوگ اپنی غربت اور اپنی
کارکردگی کی وجہ سے کچھ پیشے اپنائے اور
سماج میں پہلے
Skill مزدور یا دوسرے الفاظ میں کہیں پہلے
انجنیئر ہونے کا شرف حاصل ہوا مگر یہی پیشے
کمہار،لوہار ،موچی ،قصائی، حجام ترکھان، میراثی، ڈھوم ،جولہا، تیلی،
مرکوان، دھوبی ،درزی ،مچھیرے ،لکڑیارے ،پالے چوپان بعد میں ان کی ذات بن گئ اور ان پیشہ وار ذاتوں
کو بطور Taboo اور Social stigma استعمال
کیا جانے لگا۔
تیسری
بات تھی کہ گوجر اور پہاڑی ہندو
پاک کے بارڈر پر رہتے ہیں جو فرنٹ لائن ہے اور دونوں برادریاں ایک ہی قسم کے سیاسی
سماجی اور اقتصادی حالات میں رہتے ہیں
چوتھی
وجہ اس فورم کے بننے کی یہ بھی رہی کہ 1960 کی دہائی میں
YS Parmar اور Narian Chand Parashar
نے پہاڑی زبان کو محفوظ کرنے کے لئے اپنی زندگیاں
وقف کر دی اور ایک تحریک چلائی گئ یہ وہ جگہ تھی جہاں بقول سروجنی نائڈو بلبل پہاڑ
اور بقول جواہر لعل نہرو پہاڑی گاندھی رہتا تھا ۔۔اسی جگہ یہ تحریک شروع کی گئ ۔کیونکہ
1958میں ہماچل کے گوجروں کو Reservation مل
گئ تھی اور جموں کشمیر میں وزیر محمد ہکلہ صاحب بھی متحرک ہو گے تھے جن کے ہاں
1932سے جاٹ گوجر کانفرس معرض الوجود میں آئ تھی۔
1970عیسوی میں ایک ریزولیشن ہماچل پردیش کی
قانون ساز اسمبلی میں ڈالا گیا کہ پہاڑی کو دفتری زبان کا درجہ دیا جائے ۔اور
ہماچل پردیش کے چیف منسٹر ڈاکٹر پریم کمار دھومل(Dr Prem kumar Dhumal)
نے اس کی تائید کی حتی کہ بعد میں ویر بہادر
سنگھ(virbhadra singh ) نے بھی تائید کی
پانچویں وجہ یہ تھی کہ جموں و کشمیر کے
پہاڑی لوگ میں شعور بیدار کرنے اپنے
اس پاس کے ماحول سے باخبر ہونے کے لئے
Awareness کی کمی چاہئے وہ فہم الذاتی
(self-awareness)، ملموسی(sentience)، دانائی (sapience) اور آگاہی (perception)
ہو
یا ذاتی
(onself) و ماحولی حالتوں میں ایک ربط رکھنا ہو
ان تمام تر مواقعوں کا پہاڑی قبائل میں فقدان تھا ۔۔جس سے پہاڑی قبائل کے لوگوں میں
سماجی ،سیاسی ،اقتصادی، تعلیمی ،طبی نفسیاتی حالات بد سے بد تر ہو گے اس وقت پہاڑی
قبائل نے ایک فورم بنائ جس سے پہاڑی قبائل کے ثقافتی ،تہذیبی، سماجی ،سیاسی
،اقتصادی، تعلیمی ،طبی نفسیاتی پہلوں کو اجاگر کیا جائے تو جموں و کشمیر پہاڑی
کلچر اور ویلفئر فورم کا انعقاد 70-1969 میں ہوا جو 1974 میں توسیع
ہو کر جموں و کشمیر کے تمام اضلاع میں ایک ایک رکن سے کی گئی۔اس کے بنیادی
مقاصد مندرجہ ذیل تھے
جموں و کشمیر کلچرل ویلفئر فورم نے اپنی
پہچان, معدومیت کا شکار پہاڑی قبائل کی
ثقافت ،تہزیب و تمدن اور پہاڑی لسانیات کو بحال و فعال کرنے کے لئے جہدو جہد کرنا اپنا
بنیادی مقصد بنا لیا ۔
پہاڑیوں قبائل کو مناسب نمائندگی دے کر
پہاڑی قبائل کے سیاسی سماجی تعلیمی سطع پر
بچھڑے ہوئے پہاڑی قبائل کو اوپر اٹھانے کو یقینی بنایا جائے ۔
جموں و کشمیر کلچرل ویلفئر فورم کو
فعال بنا کر اس کو ہر ضلع تک توسیع کی جائے
کرناہ کے قریشی بھائیوں نے یہ بھیڑ
اٹھایا کپواڑہ پہنچا پھر بارامولا بانڈی پورہ گاندر بل سے ہوتے ہوئے سرینگر پہنچے یہاں
سے انت ناگ کلگام پلوامہ اور شوپیاں سے سفر کرتے ہوئے پیر پنچال میں پہنچے اور ایک
بیداری مہم شروع کی جس کا بڑا ثبوت یہ ہے کہ پونچھ راجوری میں پہاڑی لکھی جانے لگی
اور پہاڑی شیراز شائع ہوئے
اسی طرح سے اپنے کلچر کو پروموٹ کرنے
کے لئے کرناہ کلچرل کلب کا انعقاد 1973 عیسوی میں ہوا ہمارے بزرگوں نے اپنے کلچر کی معصومیت کو معدومیت سے نکالنے کے لئے
ہر شادی بیاہ کے علاوہ بھی پروگراموں میں اپنے کلچر کی بات کی اور ایک وہ وقت آگیا
کہ پہاڑی قبائل اپنی پہچان کلچر بچانے میں کامیاب ہو گے اور ویلفئر میں بھی نمایاں
رول ادا کیا ۔
(پہاڑی کتاب نبیل)